Ginpatuman sang Department of Trade and Industry (DTI) ang price freeze sa basic necessities sa National Capital Region kasunod sa pagdeklarar sang state of calamity sang Metro Manila Council (MMC) bangod sa epekto sang supertyphoon Carina kag southwest monsoon.
Sa statement ni DTI Secretary Alfredo Pascual, gilayon nga ginpatuman ang price freeze agud nga malikawan ang indi insakto nga pagpasaka sang presyo sang balaklon sa tion sang krisis.
Suno diri, nagakoordinar ang DTI sa NCR regional office agud mamonitor ang sitwasyon.
Nalakip sa price control ang bugas, mais, tinapay, utan, root crops, karne, itlog, gatas, kape, kalamay, cooking oil, asin, laundry soap, detergent, firewood, uling, kandila, kag iban nga mga bulong.
Hugot man ini nga nagwarning sa magabayolar sa price freeze.
