Price freeze nga ipatuman sa ciudad sang Bacolod kasunod sang state of calamity, igamandu pa sang DTI Central Office

Karun nga yara sa State of Calamity ang syudad sang Bacolod bangud sa baha tinalikdan nga semana, isa sa mga mapatuman amo ang price freeze sa mga nagapanguna nga balaklon.

Apang magakinahanglan pa nga magkoordinar ang Sangguniang Panlungsod sa lokal nga opisina sang DTI agud ini ang mapasaka sa DTI Central Office, bangod diri magagikan ang mandu.

Sa interview sang Bombo Radyo Bacolod kay Dr. Frances Mae Llamas, ang Economic Development and Investment Promotion Consultant sa Bacolod City, ini ang mas madugay kun ipaanggid sa pagdeklarar sang State of Calamity para sa kabug-usan sang pungsod, nga isahan na lamang ang deklarasyon gikan sa National Agency.