Price freeze sa basic commodities, ginapatuman sa banwa sang La Castellana bangud sa deklarasyon sang state of calamity

Padayon ang pagmonitor sang Department of Trade Industry-Negros Occidental sa presyo sang mga basic commodities sa banwa sang La Castellana kasunod sang pagdeklarar sang state of calamity sang banwa.

Sa interview sang Bombo Radyo Bacolod kay Lina Joy Cardinal, officer-in-charge sang DTI-Negros Occidental, epektibo ang price freeze sang Hunyo 4, 2024, kadungan sang pagdeklarar sang state of calamity sa banwa matapos nga naglupok ang Bulkan Kanlaon sang Lunes.

Suno diri, ang price freeze ang igapatuman sa sulod sang 60 ka adlaw.

Nalakip sa price freeze ang mga tinapay, instant noodles, canned sardines, bottled water, laundry soap kag iban pa nga basic commodities.