Ginbawian na sang kabuhi ang principal sang Guinpana-an Elementary School sa banwa sang Moises Padilla nga nahulog matapos nga manglimpyo sa atop sang classroom.
Madumduman nga kapin alas-6:00 sang gab-i sang Domingo, besperas sang opening of classes, nagsaka si ang principal nga si Reynaldo Mojares sa atop sang isa sa mga classrooms matapos makita nga may-ara pa sang mga laya nga dahon.
Apang sang ini ang magapanaog na, hinali nga natumba ang kahoy nga hagdan nga gintuan sang iya nga pagkahulog.
Natam-an naman ang ulo sang principal matapos nga mag-igo sa matig-a nga bagay.
Si Mojares ang conscious pa sang gindala sa Riverside Medical Center, apang ini ang ginsulod sa Intensive Care Unit (ICU).
Kahapon nakagwa na ang principal sa ICU, apang sa interview sang Bombo Radyo Bacolod kay Department of Education (DepEd) division of Negros Occidental – Moises Padilla District Supervisor Gideon Panganiban, nagtawag ang asawa sang principal alas-9:00 25 kaina sang aga agud ipahibalo nga ginbawian na sang kabuhi ang iya bana.
Bilang consultant sang Moises Padilla Public School Teacher’s Association kun sa diin miyembro si Mojares, magadiskusyon pa ang mga ini kaupod sa mga officers sa kun ano ang mahatag nga bulig sa pamilya sang ila nagtaliwan nga miyembro.
