Nagapati si House prosecutor Atty. Lorna Kapunan nga ang bukas nga pag-acknowledge ni Davao City Mayor Sebastian “Baste” Duterte sa mga kontrata sang Gencorp Industries Inc. ang mahimo makabig bilang direct admission sang conflict of interest.
Gintumod sang abogado ang P33.2 million nga balor sang kontrata sa Gencorp Industries Inc. sa Davao City, nga ginapangulohan sang anay presidential son.
Ini ang gin-ako ni Mayor Duterte, sa diin gin-alegar ginrepaso sang LGU ang mga kontrata sang Gencorp kag natumod nga nagdangat ini sa P33.2 million.
Ang nasambit nga balor ang sa idalom sang 19 ka mga kontrata.
Suno kay Atty. Kapunan, mahimo makabig bilang admission sang conflict of interest ang pahayag ni Mayor Duterte batok sa bise presidente nga gin-alegar nakigbahin sa operasyon sang nasambit nga kompaniya.
Ang Gencorp ang isa sa mga kompaniya nga nakalista sa Statement of Assets, Liabilities and Net Worth (SALN) ni Vice President Sara Duterte.
