Ginrekomenda sang Department of Education (DepEd) Bacolod City School Division ang pagpasira sang isa ka private school nga natukiban nga naga-operate nga wala sang permit.
Suno kay Schools Division Superintendent Dr. Dennis Develos, nagpatigayon sila sang inspection kag monitoring sa mga buluthuan sa ciudad kag didto natukiban nga ang isa ka private school para sa pre-school kag elementary pupil naga-operate bisan wala sang nagakaigo nga permit.
May yara sang extension ang buluthuan sa barangay Alijis, Mansilingan, Cabug, kag Vista Alegre kun sa diin kapin sa 30 ka estudyante ang apektado.
Suno kay Develos, nagfile na sila sang administrative case batok sa private school kag nag-issue sang cease and desist order.
Nakighinon-anon naman sila sa mga ginikanan sang mga estudyante para sa mahatag nga bulig agud indi mausik ang gin-eskwelahan sang mga kabataan.
Gin-endorso naman nila sa DepEd NIR ang isyu kag ginahulat na lamang ang ihatag nga solusyon para sa mga estudyante.
Pahanumdom ni Develos sa mga ginikanan nga tsekyaron kun may yara sang permit para mag-operate ang buluthuan antes i-enroll ang kabataan
