Wala nakita nga solusyon ang Public Private Partnership (PPP) bilang solusyon sa mga problema sa tatlo ka mayor nga merkado sa Bacolod City.
Sa regular session sang Sangguniang Panlungsod, isa sa gin-imbetar si Bacolod City Administrator Atty Mark Mayo, nga gin-ulan sang mga pamangkot kag concerns tuhoy sa mangin sitwasyon sang mga merkado.
Ini bangod yara na sa idalom sang Office of the City Mayor ang market management.
Isa sa concern ni Councilor Wilson Gamboa ang posibilidad sang pagsulod sa PPP ukon privatization kaangay sa natabo sa Manokan Country.
Nagpasalig naman si Mayo nga sila ang may mga plano na para sa pagpaninlo kag pagkay-o sang mga merkado kag paglegitimize sang mga vendors.
Target nila nga napasanyog ang effeciency sa collection kag paghitso sang arrears.
Aminado man si Mayo nga dako ang kontribusyon sang private sector sa kumunidad, apang ini ang wala nila nakita nga solusyon sa problema sa merkado.
