Gin-simplify na ang guidelines para sa locally stranded individuals agud nga sila ang makapauli sa ila banwa ukon ciudad samtang nagapadayon ang community quarantine bangud sa coronavirus disease.
Ang LSI ang nagapatuhoy sa mga Pilipino nga luyag magbalik sa ila place of origin kag ini ang ginalakipan sang mga estudyante, turista, workers ukon repatriates kag iban pa nga mga indibidwal nga nastranded sa nagkalain-lain nga lugar samtang sila ang nagabyahe.
Sa interview sang Bombo Radyo kay Police Regional Office 6 spokesperson Police Lt. Col. Gilbert Gorero, ang LSI ang kinahanglan nga magpahibalo sa iya barangay nga siya ang LSI bangud ang barangay na nga magaforward sini sa city ukon municipal government agud nga maconsolidate.
Ang LSI ang magakuha sang medical health certificate nagikan sa city ukon municipal health office bangud diri iga-certify nga wala ini nagapakita sang sintomas sang COVID 19 ukon indi ini suspected ukon probable case.
Magasumiter man ini sang kopya sang medical certificate bangud kabahin ini sang requirement para sa LGU sa pagrequest sang travel authority.
Ang ila nga transportasyon ang iga-coordinate man sa Philippine Ports Authority ukon Civil Aviation Authority of the Philippines para sa posible nga arrangement of sang transportasyon sang mga LSI.
