Magahatag sang libre nga sakay ang Land Transportation Franchising and Regulatory Board (LTFRB) sa mga commuters sa Lunes sa tunga sang ginaplano nga strike sang mga drivers kag operators nga nagsunod sa modernization program sang gobyerno.
Suno sa LTFRB, nagacoordinate ini sa mga concerned local government units agud maghatag sang libre nga sakaykag mapahagan-hagan ang impact sang strike sa mga commuters.
Suno kay LTFRB chairperson Teofilo Guadiz III, ila ginarespeto ang kinamatarong sang mga drivers kag operators nga magpabutyag santo sa Constitution kag gina-acknowledge ang concerns sang transport sector.
Nahibaluan nga pila ka mga transport groups nga nagasuporta sang Public Utility Vehicles Modernization Program (PUVMP) ang nagaplano nga magpatigayon sang isa ka strike agud magpabutyag sang pagkadismaya sa isa ka Senate resolution nga nagarekomendar sang suspension sang programa.
Suno kay Ed Comia, convenor sang Angat Kooperatiba at Korporasyon ng Alyansang Pilipino Para sa Modernisasyon, akig ang ila nga sektor bangud sa ginhimo sang Senado bangud sila ang nagsunod sa modernisasyon kag daw wala lamang ginpanumdum ang sakripisyo nga ila ginhimo.
