Kapin sa 900 ka police personnel ang igadeploy sang Police Regional Office- Negros Island Region sa All Saint’s Day kag All Soul’s Day.
Suno kay PRO-NIR Director Arnold Thomas Ibay, ang 900 ka personnel ginalakipan sang Philippine National Police (PNP), Armed Forces of the Philippines (AFP), Bureau of Fire Protection (BFP), Philippine Coast Guard (PCG), kag volunteer groups nga igadeploy humalin Oktubre 29 tubtob Nobyembre 3.
Suno diri, sila iga-deploy sa mga entrance kag exist sa mga sementeryo, simbahan, kag terminal ports.
Suno kay Ibay, ang mga personnel mapatigayon sang checkpoint, patrol visibility, kag pagpabilin sang peace and order agud matapos nga malinong ang undas.
Pahanumdom sini sa mga personnel nga magpractice sang maximum tolerance, samtang ginpangabay naman sini sa mga tawo nga magkooperar sa security protocols kag magreport sa mga suspicious activities ukon unattented items.
