155 ka mga police personnel ang nadeploy sang Police Regional Office- Negros Island Region (PRO-NIR) sa rehiyon kadungan sa patigayunon nga ika-apat nga State of the Nation Address (SONA) ni President Ferdinand Marcos Jr., subong nga adlaw, Lunes, Hulyo 28.
Sa interview sang Bombo Radyo Bacolod kay Police Lt. Col. Joem Malong, Public Information Officer sang Police Regional Office sang Negros Island Region, all set na ang PRO-NIR sa pagsiguro sang kalinong kag katawhay kadungan sang patigayunon nga SONA 2025 subong nga adlaw
Suno kay Malong, nadeploy na sang PRO-NIR para sa enforcement kag public safety operations ilabi na ang Civil Disturbance Management (CDM) contingents.
Suno diri ang deployment ang agud nga pagasiguruhon ang kalinong kag katawhay ang pagpatigayon sang SONA.
Nagdihon man ang PRO-NIR sang task group nga gin-activate na agud nga maglantaw sang operational coordination.
May yara man ang mga ini sang aktibidad kaangay sang intelligence monitoring, CDM readiness, traffic control kag media coordination.
Dugang pa ni Malong nga nagpahanumdom ang PRO-NIR Director nga magsunod sa human rights kag may yara man sila sang emergency response.
Ang 155 ang gindeploy sa mga lugar nga ginalantaw patigayunan sang rally kun sa diin ang Negros Occidental Police Provincial Office ang may yara sang 32 contingent; Bacolod City Police Office nga 62; Negros Oriental Police Provincial Office nga may 17, Siquijor Police Provincial Office nga may 12 kag reserve nga nagikan sa Regional Mobile Force Battalion (RMFB) nga 32.
Ang nasambit nga personnel ang para lamang sa CDM contingents.
Panawagan sini nga wala man ginadumilian ang mga pumuluyo sa ila nga freedom of expression apang dapat patigayunon lang ini sang malinong kag matawhay.
