Prayoridad sa karun sang Police Regional Office – Negros Island Region ang pagtukod sang Regional Headquarters.
Nahibaluan nga ang PRO-NIR office ang yara lamang sa karun sulod sang Provincial Headquarters sang Negros Occidental Police Provincial Office.
Kun sa diin masami nga nagagutok ang parking spaces bangod nagatingob ang mga nagatransaksyon sa Provincial kag Regional office.
Sa interview sang Bombo Radyo Bacolod kay PRO-NIR Director Police Brig. Gen. Rudecindo Reales, sa karun prayoridad nila nga makatukod sang kaugalingon nga Regional Office.
Sa inisyal, banwa sang Murcia ang napilian nga tukuran sang Regional Headquarters.
Dugang pa ni Reales, nga dutay na lamang ang mga police stations nga indi pa standard ang design, kag ang mga ini ang tinguhaan man nila nga mahatagan sang prayoridad kag mapondohan sa masunod nga budgeting session.
