Nagpatigayon ang provincial goverment sang Catanduanes sang mandatory evacuation sa pila ka mga lugar nga ginakabig nga high-risk, matapos ang mabaskog nga pag-ulan tuga sang shear line nga nagresulta sang pagbaha kag landslide sa pila ka mga banwa sang probinsya kahapon, Pebrero 8.
Suno kay Governor Patrick Alain Azanza, ginmanduan na ang tanan nga mga alkalde kag mga chairperson sang Municipal Disaster Risk Reduction and Management Council (MDRRMC) nga gilayon ipatuman ang evacuation ilabi na sa mga lugar nga prone sa landslide kag yara sa mga low-lying areas.
Kalakip sa mga apektado nga banwa ang San Miguel, Viga, Bato, kag Bagamanoc.
Sa isa ka memorandum, ginpahayag sang gobernador nga may yara sang nagakaigo nga aksyon batok sa mga residente nga wala nagsunod sa evacuation orders, bilang kabahin sang tikag agud masiguro ang kaluwasan sang publiko sa tunga sang malain nga panahon.
Samtang, gin-kumpirmar sang pulisya ang pagkamatay sang isa ka 32-anyos nga lalaki matapos gin-anod sang baha sa Barangay Bigaa, Virac.
