Probinsya sang Cebu, napaidalom na sa state of calamity bangod sa kahalitan sang 6.9 magnitude nga linog

Nagdangat na sa indi magnubo 69 ka mga persona ang kumpirmado nga nagkalamatay matapos ang pagtay-og sang magnitude 6.9 nga linog sa Cebu.

Nagdeklarar ang probinsya sang Cebu sang state of calamity matapos ang linog bangud sa tuman kadako nga halit sa mga imprastraktura, simbahan, taytay kag mga dalanon.

Padayon sa pagpangita sang mga survivors ang mga rescuers samtang ginatinguhaan naman sang mga otoridad nga makadul-ong sang ayuda kag mabalik ang kuryente kag communication lines.

Ang linog ang natabo isa ka semana matapos ang back-to-back nga bagyo nga gintunaan sang kamatayon sang dinosena nga mga persona bangud sa pagbaha.