Ginpaidalom sa Blue Alert Status ang probinsya sang Negros Occidental bangod sa Bagyo Enteng.
Sa interview sang Bombo Radyo kay Irene Belle Ploteña, pinuno sang Negros Occidental Provincial Disaster Risk Reduction and Management Office, nakahanda ang PDRRMO para magrespond sa emerhensya nga magluntad.
Suno diri, wala sang reported nga pagbaha sa probinsya samtang nagaeksperyensya sang light to moderate rains nga kuin kaisa may yara sang heavy rainfall.
Padayon ang monitoring sang mga Local Government Unit sa ila tagsa ka area of responsibility ilabi na sa posible nga pagsaka sang lebel sang tubig.
Suno kay Ploteña nagapreparar man ang tagsa ka LGUs sang foodpacks kag non food items pananglitan nga may patigayunon nga pag-evacuate sa mga residente.
Pahanumdom ni Ploteña, bantayan ang weather update, magulu-aligmat sa palibot, kag suno diri mas maayo nga irepair na ang guba sa bala kag hawanan ang kanal.
Dugang pa sini maghanda sang go bag incase nga may abiso sang preemptive evacuation, maghibalo sang emegency contacts kag magsunod sa guidelines sang LGU.
Samtang, ginkansela man ang trabaho sa provincial government office subong nga hapon bangod sa bagyo Enteng nga ginpabaskog sang Southwest Monsoon.
