Halos preparado na ang Commission on Elections (COMELEC) offices sa probinsya sang Negros Occidental sa nagahilapit nga filing sang Certificate of Candidacy para sa 2025 midterm elections.
Suno kay Negros Occidental Provincial Election Officer Atty Ian Lee Ananoria, ang filing sang COC ang maga-umpisa sa Oktubre 1 tubtob 8, alas- 5:00 sang aga tubtob alas- 5:00 sang hapon.
Suno diri ang luyag nga magpapili para sa provincial position ang magafile sang ila COC sa social hall sang provincial capitol samtang ang mga city or muncipalities candidates naman ang mahimo magpasa sang ila COC’s sa tagsa nila ka mga ciudad ukon banwa.
Required naman nga dal-on sang mga kandidato ang lima ka kopya sang nafill-up na nga COC’s nga may notaryo, kag orihinal nga kopya sang Certificate of Nomination and Acceptance (CONA) kun may yara sang political party.
Samtang, mahimo man nga magpadala sang representative apang dapat nga authorized ini.
Nagpatigayon na sang meeting ang Police Regional Office 6 para sa preparasyon sang filing sang Certificate of Candidacy para sa 2025 midterm elections.
Sa interview sang Bombo Radyo kay PRO 6 Spokesperson Police Lt. Col. Arnel Solis, naghatag na ini sang directives sa mga city kag provincial directors nga magkoordinar sa mga election officers para sa filing sang COC sa Oktubre 1 tubtob 8.
Suno diri, wala pa ang official list para sa mga areas of concerns apang closely monitored naman ang mga areas of responsibility sang mga city kag provincial directors kag isa sa mangin basehan amo ang mga history sang hotspot area sa mga previous elections.
Nagpanawagan man ini sa mga kapulisan nga mangin reponsable sa eleksyon.
