Nadugangan kahapon sang 69 ang kumpirmado nga kaso sang COVID-19 sa ciudad sang Bacolod samtang tatlo naman ang nagdugang sa probinsya sang Negros Occidental.
Santo sa Department of Health Region 6 COVID-19 case bulletin no. 157, nakarecord ang Western Visayas sang 230 ka dugang nga mga kaso nga ginalakipan sang 83 sa Iloilo City, 69 sa Bacolod City, 51 sa Iloilo Province, 22 sa Capiz, tatlo sa Negros Occidental, samtang tig-isa naman sa Aklan kag Guimaras.
Sa 230 ka panibag-o nga kaso, 205 diri ang local cases, pito ang returning overseas Filiinos (ROF), isa ang locally stranded individuals (LSI) samtang pito naman ang for verification.
Sa karun, may ara na sang kabug-usan nga 4,684 ka mga kaso ang narecord sa Western Visayas nga may 2,301 ka mga aktibo.
Samtang 2,307 naman ang mga nakarecover sa pagdugang sang 38 nga bag-o kag nagdangat naman sa 76 ang numero sang nagtaliwan sa pagdugang sang lima nga napatay.
Yara naman sa 76.40% ang asymptomatic sa kabug-usan nga kaso sang rehiyon.
Ang kabug-usan nga kaso sa Bacolod City ang nagdangat na sa 1,285 samtang nagdangat naman sa 1,155 ang kaso sa probinsya sang Negros Occidental.
