Nagpagwa ang Inter-Agency Task Force (IATF)sang Resolution No. 157- A kun sa diin igapaidalom ang probinsya sang Negros Occidental sa Alert Level 3 humalin sa Enero 16 tubtob Enero 31, 2022.
Sa Luzon ang Baguio City, Ifugao kag Mountain Province sa Cordillera Administrative Region ukon CAR; Dagupan City kag Ilocos Sur sa Region 1 ukon Ilocos; Santiago City kag Cagayan sa Region 2 ukon Cagayan Valley; Angeles City, Aurora, Bataan, Bulacan, Olongapo City, Pampanga kag Zambales sa Region 3 ukon Central Luzon ; Rizal, Batangas, Cavite, Laguna kag Lucena City sa Region 4-A ukon Calabarzon; Marinduque kag Romblon sa Region 4-B ukon Mimaropa; Camarines Norte, Camarines Sur, Naga City kaf sa Sorsogon sa Region 5 ukon Bicol.
Sa Visayas,ginpaidalom sa Alert Level 3 ang Iloilo City, Iloilo province Negros Occidental kag Guimaras sa Region 6 ukon Western Visayas; Lapu-Lapu City, Bohol, Cebu kag Negros Oriental sa Region 7 ukon Central Visayas; Ormoc City, Biliran, Samar, Eastern Samar, Leyte, Northern Samar kag Southern Leyte sa Region 8 ukon Eastern Visayas.
Sa Mindanao, ang mga lugar nga igapaidalom sa Alert Level 3 ang ginlakipan sang Isabela City, Zamboanga City kag Zamboanga del Sur sa Region 9 ukon Zamboanga Peninsula; Bukidnon, Iligan City, Misamis Occidental kag Misamis Oriental sa Region 10 ukon Northern Mindanao; Davao del Sur kag Davao del Norte sa Region 11 ukon Davao region; General Santos City kag South Cotabato in Region 12 (Soccsksargen); Surigao del Sur kag Agusan del Norte sa Caraga; kag Lanao del Sur sa Bangsamoro Autonomous Region sa Muslim Mindanao (BARMM).
Samtang ang igapaidalom naman ang Alert Level 2 ang Apayao, Batanes, Palawan, Puerto Princesa City, Masbate, Siquijor, Zamboanga del Norte, Zamboanga Sibugay, Camiguin, Lanao del Norte, Davao de Oro, Davao Occidental, Davao Oriental, North Cotabato, Sarangani, Sultan Kudarat, Dinagat Islands, Surigao del Norte, Basilan, Maguindanao, Sulu kag Tawi-Tawi.
Sa idalum sang Alert Level 3, ang mga establisyimento ang pahanugutan lamang nga mag-operate sang 30 percent indoor venue capacity kag exclusive lamang sa mga fully vaccinated samtang 50 percent outdoor capacity naman kag fully vaccinated ang mga empleyado.
Suno kay Familiaran, naghatag ang IATF sang gahum sa local government unit nga magpatuman sang dugang nga restrictions, kaangay sang curfew, liquor ban, pagdumili sa mga menor de edad, samtang wala pa man sang guidelines angot sa pagpangampanya bangud wala pa ang campaign period.
Magauntat naman ang contact sports, amusement, concerts, clubs, kag karaoke bars.
