Problema sa pinansyal ang ginalantaw nga ginlalisan sang Canadian national kag Pinay nga asawa nga nagluntad sa insidente sang pagpangbuno sa Villa Mikaela, Alice Street, Barangay Singcang Airport, Bacolod City kaina sang aga.
Sa interview sang Bombo Radyo kay Police Captain Glen Montaño, station commander sang Bacolod Police Station 8, sa pahayag sang pamilya, naglalisay si Ronald St. Jean kag Liezel Demerin St. Jean tuhoy sa ila financial status.
Nahibaluan nga si Liezel ang nagatrabaho bilang call center agent samtang wala naman sang trabaho si Ronald kag nagahulat pa sang iya pension.
Suno kay Montaño, masami nga naga-inaway ang mag-asawa apang wala naglaom ang pamilya nga magaluntad ini sa maduguon nga hitabo.
Suno sa station commander, ginlaslas sang Canadian national ang iya pulso kag ginbuno ang iya kaugalingon sa dughan apang ini ang may kabuhi pa kag naga-uyat pa sang kutsilyo sang sila ang nagresponde.
Suno diri, ila pa ini gingaan sang tubig apang iya gintear gas ang mga otoridad.
Nadanlog ini sa dugo sa sulog kag natigayon nga nadakpan.
Gindala ini sa Corazon Locsin Montelibano Memorial Regional Hospital (CLMMRH) apang gilayon man nga ginbawian sang kabuhi.
