Nagdangat sa kapin 9 million metric tons ang narekord nga produksyon sang humay humalin sang Enero tubtob Hunyo subong nga tuig.
9.08 million MT ang naharvest nga humay kun sa diin ginabanta nagsaka sa 6 percent ang produksyon kun ikumpara sa 8.53 million MT output sa kaangay nga period sang tinalikdan nga tuig suno sa Philippine Statistics Authority (PSA).
Santo sa latest production figure, ini sa karun ang pinakamataas nga first half output nga narekord.
Ang anum ka bulan nga figure, nalapawan ang rekord nga 9.03 million MT sang 2023 kun sa diin narekord ang pinakamataas nga harvest sang humay nga 20.06 million MT.
Ang increase sa karun sa produksyon ang bangod sa mataas nga harvest kag mas naglapad nga tanuman sang mga mangunguma kasunod sa maayo nga weather conditions.
