Bastante ang produksyon sang humay sa probinsya sang Negros Occidental, apang indi sa gihapon estable ang presyo sang bugas sa merkado.
Sa interview sang Bombo Radyo Bacolod kay Department of Agriculture – Negros Island Region Director Albert Barrogo, sa karun padayon ang ila nga monitoring sa pagsaka sang presyo sang bugas sa merkado sang nakaligad nga mga semana.
Pahayag ni Barrogo nga padayon ang ila paghatag sang binhi sang humay, farm implements kag iban pa nga equipment para sa mga mangunguma.
May ara man sang ginahatag nga subsidy agud mabuligan ang mga mangunguma sa pagpauswag sang ila produksyon.
Ginpaathag ni Barrogo nga may nagakaigo kag supesyinte nga produksyon sang humay para sa local consumer sang probinsya sang Negros Occidental.
