Nakita sa datos sang Philippine Statistics Authority (PSA) nga nagsaka sa masobra 818,500 metric tons ang kabug-usan nga produksyon sang humay sa Western Visayas sa fourth quarter sang 2024.
Naggwa nga 10.6 percent ang pagsaka kun ipaanggid sa output nga narecord kaangay nga period sang tinalikdan nga tuig.
Nagtaas man ng kabilugan nga area sa rehiyon nga gin-anihan sa subong nga tuig nga nagdangat sa masobra 242, 000 ka ektarya ukon 12.3 percent nga mas mataas kon ikumparar sa masobra 215,500 ka ektarya sa fourth quarter sang 2023.
Ang may pinakamataas nga growth sa harvested area nga may 7.0 percentage points, ukon masobra sa 32,0000 ka ektarya ang probinsya sang Capiz.
Ginsundan ini sang Negros Occidental nga may 3.4 percentage points, Iloilo nga may 2.2 percentage points, kag ang nabilin nga mga probinsya ang naka-record sang tubtob 1.0 percentage point.
