Ginpahayag sang Department of Agriculture (DA) nga nagnubo sa 3.7 percent ukon kapin sa P397.43 billion ang produksyon sang pananom, isda kag baboy bangod sa indi manami nga panahon kag impact sang African Swine Fever sa hog production.
Santo sa data sang Philippine Statistics Authority (PSA), suno sa DA ang produksyon sang humay nagnubo sa P211.62 billion sa third quarter.
Samtang nagnubo naman sa P61.67 billion ang produksyon sang karne sang baboy kag P55.48 billion sa isda.
Suno kay Agriculture Secretary Francisco Tiu Laurel, Jr. luyag nila nga mag-implementa sang pagbag-o sa rice cropping calendar kag magtukod sang building infrastructure kaangay sang water impounding dams nga makabulig sa mga mangunguma.
Apang, may yara naman sang increase sa produksyon sang mais kag poultry production.
