Ginpangunahan sang pamunuan sang Rizal Elementary School ang pagpatigayon sang programa para sa pagdumdom sang 129th Rizal Day subong nga adlaw, December 30, 2025.
Sa mensahe ni Bacolod City Mayor Greg Gasataya, isa ka dako nga prebilihiyo para sa karun nga henerasyon nga makita ang hayahay nga hilway nga produkto sang dugo, sakripisyo kag kabuhi sang tawo ilabi na ni Dr. Jose Rizal.
Suno diri, subong nga adlaw makit-an kun ano ang nahatag ni Rizal para sa Pilipinas kag dumdumon ang sakripisyo sini para mahatag ang kahilwayan kag hustisya para sa Pilipinas.
Suno sa alkalde, sadto ang mga tawo nagapangabuhi sa kahadlok kag wala pa maayo nakahibalo apang dako ang pagapati ni Rizal sa Pilipino.
Kaangay sa ciudad sang Bacolod, suno kay Gasataya nagpangatubang man ang ciudad sang kabudlayan kag tuman ka damo nga pagtilaw apang santo sa mensahe ni Rizal, tanan mangin mabakod basta naga-isa lamang, kag ini ginadumdum sang ciudad agud magpanginbabaw sa amo man nga problema.
