Ginkumpirmar sang chairman sang Progressive Alliance of Capitol Employees (Pace) nga may yara sila sang patigayunon nga election sang mga board of directors sa ila organisasyon.
Sa interview sang Bombo Radyo Bacolod kay Ruben Diamante, sa 11 sila nga board of directors may yara sang anum nga magapabilin agud nga masiguro ang maayo nga operasyon sang ila nga organisasyon samtang ang lima kun sa diin nalakip siya ang natalana nga pagapilian para sa bukas nga position.
Suno kay Diamante may yara sang lima ka bukas nga position sa PACE kag may yara sang walo nga nagpapili agud nga magpungko sa nasambit nga position.
Suno diri, magasunod sila sang rule of majority bangud kun sin-o ang pagabotohon sang mayoriya amo ang magadaog.
Sa karun ang PACE ang may yara sang 1,209 ka miyembro sa bug-os nga probinsya.
Ginpahayag man sini nga may yara pa sang luyag nga magpamiyembro sa Progressive Alliance of Capitol Employees (Pace) apang wala ang mga ini naqualified bangud ang mga ini ang yara sa managerial positions kag matag-as nga position.
Ang may mataas nga position ang wala na ginapahanugutan nga magsulod sa labor union.
Ginkalipay man sang mga ini ang full support sang gobernador sa ila kag ginalantaw nga makabaton naman sila sang performance base bonus sa madason nga tuig matapos nga gin-awardan ang probinsya sang The Seal of Good Local Governance (SGLG).
