Gin-aprubahan na ang Sangguniang Panlungsod ang P3.6 billion nga annual budget sang ciudad sang Bacolod para sa 2024.
Sa interview sang Bombo Radyo Bacolod kay Councilor Thaddeus “Thaddy” Sayson, ang chairperson sang Committee on Finance and Appropriations sa Sangguniang Panlungsod, ang naaprubahan nila nga annual budget para sa fiscal year 2024 ang mas mataas sang P350 million sangsa budget sang 2023.
Ang mga departamento nga nakabatun sang dalagko nga budget ang nagapabilin gihapon nga Department of Social Services and Development (DSSD), Bacolod City Engineering Office kag Department of Education (DepEd).
Apang paathag ni Sayson nga indi ang Sanguniang Panlungsod ang naga-aprubar sa budget sang DepEd bangod may ara sang Education Committee nga nagaplastar sini.
Kasunod sang pag-aprubar sang budget, mahimo na nga mapreparar sang mga department heads ang mga papelis para sa procurement sa ila tagsa ka mga departamento.
Sa pihak nga bahin, may-ara naman sila sang narevert nga budget gikan sa fiscal year 2023 nga balor P70 milion kun sa diin P50 diri ang gingamit para sa bonuses sang mga Job Order and Casual Employees sa City Government santo sa Presidential Administrative Order No. 13 ni President Ferdinand “Bongbong” Marcos Jr.
Nagalaom naman si Sayson nga mangin maayo ang 2024 sa ila kag pinaagi sa mas ginpadako nga budget mas madamo man sang mga programa kag mga proyekto nga mapatuman para sa benepisyo sang mga Bacolodnon.
