Ginpahayag ni Senator Panfilo “Ping” Lacson kahapon nga pagabuhinan sang Senado ang ginpropose nga budget sang P2 billion sa fiscal year 2027 agud mangin halimbawa sa House of Representatives.
Suno kay Lacson, chairperson sang Senate Committee on Accounts, ini ang may kaangtanan sa pagdeklara sang Korte Suprema nga unconstitutional ang 2024 kag 2025 kasubong man ang bahin sang 2026 national budget.
Ini ang ila ginkasugtan ni Senate President Sherwin Gatchalian sang nakaligad nga adlaw.
Sa idalom sang 2027 National Expenditure Program, P7.7 billion ang orihinal nga ginpropose nga budget para sa masunod nga tuig.
Ginpasiguro naman ni Lacson nga ang cut sa ginplanohan nga budget ang indi makaapekto sa serbisyo sang upper chamber.
Ginpahayag sini nga nag-timing ang ruling sang SC bangud kinahanglan naman sang reporma sa budgeting process.
Suno diri, indi solusyon ang pagbalik sang General Appropriations Bill (GAB) sa House of Representatives bangud mahimo lamang ini nga magresulta sa reenacted budget.
