Madasig nga gin-aprubahan sang Senate Committee on Finance ang proposed budget sang opisina ni President Ferdinand ”Bongbong” Marcos Jr. para sa fiscal year 2025.
Ginpresentar ni Executive Secretary Lucas Bersamin ang proposed P10,506,201,000-budget sang Office of the President para sa masunod nga tuig, nga mas manubo sang 1.88 percent sang sa budget sa fiscal year 2024.
Ang budget ang gilayon nga gin-aprubahan sang panel in view sang parliamentary courtesy nga ginhatag sa isa ka co-equal branch sang gobyerno.
Suno kay Bersamin, ang ila presensya sa Senate budget hearing ang nagapakita sang commitment sang Presidente nga magtrabaho kaupod ang Senado sa pag-uphold sang mutual objective sa pagpromote sang welfare sang mga pumuluyo kag national interest sang pungsod.
Gintumod man ni Bersamin nga ang budget ang supisyente nga maka-accomodate sang logistical requirements sa paghonor sang mga imbitasyon nagikan sa foreign leaders agud magbisita sa ila pungsod kasubong man sa pagpatigayon sang diplomatic initiatives nga magapadasig sang suporta sa post-pandemic economic recovery.
