Ginpahayag ni President Ferdinand Marcos Jr. nga ang isa ka proposed P200 across-the-board daily wage hike para sa mga mamumugon ang kinahanglan nga tun-an sang maayo agud makit-an kun ano ang mangin epekto sini sa mga magagmay nga negosyo kag posible nga pagpasaka sang presyo sang mga balaklon.
Ini matapos gin-aprubahan sang House Committee on Labor and Employment ang isa ka hagna nga nagamando sa tanan nga mag employers sa pribado nga sektor, regardless sang capitalization kag numero sang mga empleyado, nga bayaran ang ila mga trabahante sang across-the-board wage increase nga P200 kada adlaw.
Suno kay House Speaker Martin Romualdez, posible nga iduso sang Kongreso ang increase.
Sang tinalikdan nga tuig, wala ginpaboran sang mga pinuno sang Kamara ang proposals para sa isa ka legislated wage hike kag ginpahayag nga ini ang magapadasig sa pagpasaka sang inflation.
