Gin-aprubahan na ni President Ferdinand “Bongbong” Marcos Jr. ang proposed P6.793 trillion budget para sa 2026 sa isa ka Cabinet meeting sang Martes kag nagpromisa nga magafocus sa social services kag edukasyon.
Suno kay Palace Press Officer Claire Castro, sa ginpatigayon nga Cabinet meeting, ginhighlight ni Marcos nga pagasiguruhon nga ang 2026 budget ang indi lamang para sa economic growth kundi agud mapasaka ang kabuhi sang kada Filipino kag sang masunod nga henerasyon.
Ginpresentar ni Budget Secretary Amenah Pangandaman ang national budget nga kapin 22 percent sang gross domestic product sang pungsod kag 7.4 percent nga mas mataas sang sa P6.236 trillion budget subong nga tuig.
Mismo ang Presidente ang nagpungko kaupod ang nagkalain-lain nga ahensya agud masiguro nga tanan nga priorities ang nakaalign sa common goal sang paglab-ot sang vision sang Bagong Pilipinas.
