Proposed P7.2 trillion National Expenditure Program para sa 2027, ginsumiter na sang DBM kay President Bongbong Marcos

Ginsumiter na sang Department of Budget and Management (DBM) kay President Ferdinand Marcos Jr. kahapon ang proposed budget nga P7.2 trillion nga National Expenditure Program (NEP) para sa fiscal year 2027.

Suno kay Palace Press Officer USec. Claire Castro, naka-focus ang proposed budget sa education, health, livelihood, national security, kasubong man sa pagpalig-on sang mga komunidad.

Ini man ang may katuyuan nga ma-improbar ang serbisyo sang gobyerno kag makahimo sang mas madamo nga oportunidad para sa mga Pilipino.

Pormal nga isumiter sang DBM ang proposed budget sa House of Representatives, subong nga adlaw, Agosto 11 para sa deliberasyon.