Pormal na nga nabaton sang Senado kahapon, Agosto 11, ang kopya sang P7.2 trillion National Expenditure Program (NEP) para sa fiscal year 2027.
Personal nga ginbaton nanday Senate President Sherwin Gatchalian, Finance Committee Chairperson Sen. JV Ejercito, kag Majority Leader Juan Miguel Zubiri ang 2027 NEP sa isa ka turnover ceremony sa Senado.
Ang turnover ang ginpangunahan ni acting Budget Secretary Kim Robert De Leon kag Presidential Legislative Liaison Office Secretary Joey Sarte Salceda, kaupod ang iban pa nga opisyal naggikan sa Department of Budget and Management (DBM).
Ginsumiter naman ni President Ferdinand “Bongbong” Marcos Jr. sa Kongreso ang proposed national budget para sa 2027 kahapon sang aga, Agosto 11.
Suno sa presidente, ang katuyuan sang spending plan amo ang mapabilin ang pag-uswag sang ekonomiya samtang ginapasiguro nga responsable kag husto ang paggamit sang pondo sang gobyerno.
