Ginpahayag sang abugado kag anay Commissioner sang Commission on Elections (COMELEC) nga klaro nga mahina ang ebidensya sang prosecution sa tatlo ka mga Articles of Impeachment batok kay Vice President Sara Duterte.
Sa interview sang Bombo Radyo Bacolod kay Atty. Rowena Guanzon, nagapakita lamang nga naggamit sang unfair tactic ang prosecution team nga ginpangunahan ni Representative Gerville Luistro.
Suno kay Guanzon, husto lamang nga nag-object si Defense lead counsel Atty. Shiela Sison.
Suno diri ang pag-drop sang prosecution panel sang Article 1, 3 at 4 matapos ang pagpresenta sang mga witnesses amo ang isa ka propaganda kag pagguba sang reputasyon sang bise presidente.
Ginpahayag man sini nga dapat ang desisyon sang Impeachment Court Presiding Officer ang mangin patas.
Dugang pa sini nga dapat pasugtan ni Presiding Officer Chiz Escudero nga mag-present sang ila nga witness kag ebidensya ang defense team agud nga mapamatud-an nga indi dapat ma-impeached ang bise presidente.
