Nagsabtanay sanday Private Prosecution Lawyer Atty Lorna Kapunan kag Defense counsel Atty. Kristine Ferrer sa umpisa pa lamang sang ika-15 nga adlaw sang Senate Impeachment Trial batok kay Vice President Sara Duterte bangod sa presentasyon sang Audit Observation Memorandum.
Gintutulan ni Atty Kapunan ang pagpagwa sang Defense team sang ila nga kopya sang ila AOM.
Suno kay Kapunan, dapat gamiton sang Defense team ang mga AOM nga ginpresentar sang House panel bangod ang mga ini lamang ang ginatumod kag ginabusisi sang testigo nga si COA auditor Xylene del Campo.
Apang, ginpahanugutan gihapon ni Senate Trial Presiding Officer Chiz Escudero ang pagpresentar sang Defense sa ila nga kopya.
May gamay nga pagsabtanay sa tunga nanday Kapunan kag Ferrer bangod sa nasambit nga issue.
Ini ang natabo, 30 minutos pa lamang sang magsugod ang ika-15 nga adlaw sang trial.
