Mas ginpalapad pa sang Department of Agriculture ang sustainable livestock feed project sini nga Protein-Enriched Copra Meal (PECM) sa bahin sang Western Visayas region.
Suno kay Agriculture Secretary Francisco P. Tiu Laurel, Jr. tinutuyo sang proyekto nga mahatag ang barato nga alternatibo nga feeds para mahatagan sang protein ang mga kasapatan.
Suno diri, ang expansion sang PECM project sa Western Visayas ang makapabenepisyo sa mga local farmers kag feed producers sa rehiyon nga nagapangatubang sang kabudlayan sa padayon nga pagsaka sang presyo sang traditional feed ingredients.
Sang tuig 2023, santo sa datos sang Philippine Statistics Authority, ang hog production gid lamang sa Western Visayas ang nagnubo.
Nanaog ini sa 23 percent apang ang carabao production nagsaka sa 3.9 percent, baka sa 0.1 percent kag kanding sa 11 percent.
Ang produktsyon sang manok nagsaka man sa 4.8 percent kag ang chicken egg sa 7.9 percent apang ang produksyon sang pato nanaog sa 1.9 percent kag duck egg sa 5.4 percent.
