Ginkumpirmar ni Interior Secretary Jonvic Remulla nga isa ka police nga may ranggo nga police Major ang protector sang mga Chinese Nationals nga nagaoperate sa factory sang illicit cigarettes sa ciudad sang Bago.
Sa press conference ni Remulla sa Bago City kahapon, ginpahayag niya nga ang pulis, nga sa karun wala pa mahingadlan, ang yara sa Bacolod City apang indi personnel sang Bacolod City Police Office.
Madumduman nga narecover sang mga otoridad ang tatlo ka Loader Machines; tatlo ka Packaging machines kag assorted paraphernalia nga ginagamit sa paghimo sang illegal nga sigarilyo sa raid nga ginpatigayon sa LT Besañes Trading Corporation Rice Retailer/Wholesaler sa Prk Rosas, Brgy Calumangan, Bago City sang Abril 21.
Natigayon nga maaresto ang siyam ka mga Chinese nationals nga ginlakipan nanday Fugong Jiang; Wu JianQun; Xu Ke; Li Hong; Ye Jun; A Yac; Tan Jing; Wu Shaobin kag Eron Chen samtang si Pan Zongxing naman ang at-large, lunsay mga residente sa lugar.
Suno Kay Remulla ang mga Chinese ang wala passports kag iban nga travel documents.
Ang mga ini ang connected sa isa ka kilala nga wanted person.
Ang mga Chinese Nationals ang mangatubang sang kaso nga Anti Agricultural Sabotage Act kag Trafficking in Person.
