Nagluntad ang komprontasyon sa tunga sang mga kapulisan kag mga raliyista sa Germany.
Ini matapos magpatigayon sang hublag-protesta ang pila ka mga grupo bangud sa nagalala nga krisis sa ekonomiya sa nasambit nga pungsod.
Ang grupo ang ginabug-usan sang Gen Z regelt nga may kahulugan nga ‘Gen Z takes charge.’
Pila sa mga isyu nga ila ginapamatukan amo ang indi pagpondo sang gobyerno para sa edukasyon, pagtapos sang compulsory nga military service, kag mataas nga presyo sang mga balaklon.
Napilitan ang mga kapulisan nga maggamit sang pwersa matapos magluntad ang mga looting sa mga establisyemento sa diin ini ang nagresulta sang dako nga kahalitan.
Naggamit na sang mga water cannons kag tear gas ang kapulisan agud makontrol ang kinagamo.
Ang nasambit nga protesta ang ginsunod sa natabo sa France sa diin masobra 320,000 ka mga tawo ang nakigbahin diri.
Naghugot ang pagpatuman sang seguridad sang mga otoridad sa pila ka bahin sang Germany partikular sa Frankfurt, Munich, kag Berlin.
