Nadesisyunan sang syudad nga bag-uhon ang health protocol sa mga locally stranded individuals matapos magpositibo sa COVID 19 ang 35-anyos nga residente sang Celita Village, Barangay Alijis, nga ginpanugyanan nga magpaidalom sa home quarantine.
Suno kay City Councilor Cindy Rojas, chairperson sang committee on returning residents, pag-abot sang mga sang mga LGIs, dal-on sila sa quarantine facility kag pag-abot sang ika-lima ukon ika-anom nga adlaw, kuhaan ini sang swab test kag papaulion.
Apang igaendorso ini sa Barangay Chairman kag Barangay Health Emergency Response Team (BHERTs) agud mapatigayon ang close monitoring adlaw-adlaw kag butangan sang tarpaulin sa gwa sang balay sang mga ini agud mahibaluan nga ang tagbalay ang ginamonitor kag nagapaidalom sa strict home quarantine kadungan sang paghulat sang test result.
Ginpahayag man ni Rojas nga ginshorten ang quarantine sang mga ini sa quarantine facility bangud ginakulang na ang mga quarantine facilities sang syudad bangud sa nagaabot sa syudad nga indi na makontrol kag bangud man makapasulod sang bag o nga LSI sa quarantine facility.
