Provincial Administration Center sang Negros Occidental, ginalauman nga matapos sa masunod nga tuig

Ginalauman nga sa masunod nga tuig matapos na ang pagpatukod sang Provincial Administration Center.

Madumduman nga sadto naplanohan nga patukoron ang Provincial Administration Center sa ciudad sang Talisay apang wala nadayon.

Suno kay Negros Occidental Provincial Administrator Atty Rayfrando Diaz, P900 million ang budget sang 7 storey building nga ginalauman matapos na sa Hulyo sa masunod nga tuig.

May yara man sang bodega ang building para sa stocks sang Provincial Health Office kag warehouse para sa Provincial Administration office.