Magaretiro na sa serbisyo si Atty. Japhet Masculino bilang pinuno sang Office of the Provincial Agriculturist kag subong ang iya katapusan nga adlaw sa trabaho.
Sa interview sang Bombo Radyo kay Governor Eugenio Jose “Bong” Lacson, ginpahayag sini nga may yara na sila sang isa ka persona nga ginalantaw nga posible ibulos kay Masculino apang indi pa nila pag-ipawaragwag bangud hulton pa kun siya ang mapasugot.
Suno kay Lacson, iya ginmanduan si Atty. Rayfrando Diaz nga istoryahon ang nasambit nga persona kag kun ini ang magpasugot nga batunon ang position, siya ang magahimo sang rekomendasyon.
Suno diri, nagikan sa iban nga departamento ang nasambit nga persona kag indi nagikan sa OPA.
Sa karun ginahulat pa sang gobernador kun positibo ang response sini.
