Nagahingyo ang Provincial Agriculturist sa Negros Occidental sa mga pumuluyo nga magpreparar para sa ginapaabot nga El Nino.
Sa interview sang Bombo Radyo Bacolod kay Negros Occidental Office of the Provincial Agriculture Head Dr. Dina Genzola, nagpagwa sang pahayag ang Philippine Atmospheric, Geophysical and Astronomical Services Administration (PAG-ASA) nga sa 1st quarter sang 2024 mabatyagan ang epekto sang El Nino.
Suno diri, nagapreparar na sila sang kampanya para sa mga mangunguma agud mapreparahan ang pag-abot nga tig-ilinit.
Sa karun, ginapasalamatan naman sini nga may yara sang maeksperyensyahan nga pag- ulan.
Gina-ingganyo sini nga kun mag-ulan pwede gig nga mahimo nga magsalod sang tubig nga maggamit.
Gina-ingganyo man sini ang mga mangunguma nga magtanum sang mga drought resistance crop nga nagakaangay sa mainit nga panahon.
Pasalig ni Genzola, ginahimo sang probinsya ang ila trabaho nga makakita sang mga tikang kag estratehiya nga mabuligan kag mapahagan-hagan ang epekto sang El Nino sa mga mangunguma.
Sa karun, wala pa sang may namonitor sa probinsya nga nahalitan sang El Nino.
