Ginpabugal sang Negros Occidental Police Provincial Office (NOCPPO) ang tanan nga achievements sini sa ginpatigayon nga New Year’s call sang mga hepe nagikan sa City kag Municipal Police Stations sa probinsya sang Negros Occidental kay Negros Occidental Governor Eugenio Jose “Bong” Lacson, kahapon.
Suno kay Negros Occidental Police Provincial Office Director Police Col. Leo Pamittan, dako ang pagpasalamat sini sa tanan nga achievements kag kooperasyon sang kapulisan sa pagpatigayon sang kalinong sa natapos nga tuig 2023.
Suno diri, apisar sa tanan nga kabudlayan, committed ang NOCPPO sa ila nga responsibilidad kag trabaho.
Madumduman nga ginkilala ang NOCPPO bilang Best Police Provincial Office sang tinalikdan nga tuig.
Suno kay Pamittan, padayon ang ila pagpasanyog sang safety, security kag order sa probinsya.
Nagpasalamat man ini sa tanan nga nagsuporta sa NOCPPO sa ila nga nangin masanyog nga mga proyekto para sa kalinong sang komunidad.
