May paandam ang election supervisor sang Commission on Elections-Negros Occidental sa mga local candidates sang 2025 Midterm Elections kasubong man sa Barangay Officials.
Suno kay Atty Ian Lee Ananoria, personal sini nga nakita nga may pila ka mga barangay halls ang gintapikan sang campaign materials.
Suno kay Ananoria, bangud sini gin-instructionan sini ang mga Election Officers nga padal-an sang notice to remove ang mga natungdan nga Barangay nga may nakatapik nga campaign materials sa ila nga barangay halls bangud ini ang abuse to government resources na.
Suno kay Ananoria, kun may ginbutang ang barangay nga common poster area, okay ini nga tapikan apang indi dapat sa barangay hall.
Nagpanugyan si Ananoria sa tanan nga mga kabarangayan sa probinsya sang Negros Occidental nga kakson ang tanan nga campaign materials nga nakatapik sa barangay hall kag sagwa sang common poster areas bangud padal an ang mga ini sang notice to remove kag kun indi pagid makakas, mahimo ang mga ini nga mapasakaan sang kaso.
