Ginkompirmar sang provincial election supervisor sang Negros Occidental nga may mga problema nga nagatuhaw sa precinct finder app.
Sa interview sang Bombo Radyo Bacolod kay Atty. Roberto Salazar, ginpahayag sini nga may mga nabaton siya nga mga problema sa nasambit nga application kaangay na lamang sang indi makita nga mga pangalan.
Suno kay Salazar may yara sang mga rason kun ngaa wala makita ang pangalan sa precint finder.
Mahimo nga wala na makaboto sa sulod sang duha ka consecutive nga piniliay, wala sang internet ukon wala gid makaparehistro.
Nahibaluan nga ang Negros Occidental Comelec Office ang nagsugod na sa pagdeliver sang mga vote counting machines (VCMs) sa nagkalain-lain nga mga local government units samtang ang mga balota ang gin-ship na sang national office kag ginapaabot nga sa Mayo 2 tubtub 3 mapadala naman ini sa mga banwa kag ciudad.
Nagpanugyan man ini sa mga botante nga makig-angot lamang sa mga comelec offices sa ila mga lugar kun ang mga ini ang may yara sang mga palamangkutanon agud nga ma-assist ang mga ini.
