Ginrelieve na ang Provincial Election Supervisor sa Negros Occidental nga si Atty. Ian Lee Ananoria, bilang kabahin sang reshuffling subong nga election period.
Ang opisyal ang magapungko bilang Provincial Election Officer sa Iloilo samtang siya ang pagabuslan naman ni Atty Norberto Salazar nga nagikan naman sa Commission on Election (COMELEC) sa probinsya sang Aklan.
Suno kay Ananoria, kahapon sang aga lang sini nabatun ang email natuhoy sa mando nga gilayon naman nga nag-epekto.
![](https://img.bomboradyo.com/bacolod/2022/01/COMELEC-NEGROS.jpg)
Paathag sini nga ang reshuffling ang kabahin na sa normal nga proseso sang Comelec kun sa diin ini ang ginapatigayon nationwide sa tanan nga mga Provincial Election Officers.
Suno kay Ananoria, sang 2021 una naman nga ginreshuffle ang mga Regional Director.
Ginalantaw nga bwas sa Comelec Iloilo na magaserbisyo si Ananoria.
Ginpasalamatan man sini ang mga media nga dako ang nangin bulig sa Comelec ilabi na sa pagpalapta sang mga impormasyon maykaangatanan sa voter’s registration kag filing sang certificate of candidacy kadungan sa iya pagserbisyo sa probinsya.
Si Ananoria ang kapin tatlo ka bulan man nga nagpungko bilang Negros Occidental Election Supervisor.
Ginpasalamatan man sang opisyal ang nangin kooperasyon sang mga Negrosanon.