Nagpanugyan ang provincial energy consultant sang Negros Occidental nga indi lang pagsakuan ang pagtukod sang 300-megawatt liquefied natural gas combined cycle power plant project sa San Carlos economic zone kun wala pa sang husto nga pagtuon.
Sa interview sang Bombo Radyo kay Rafael Coscolluela, nagsulat si Bishop Gerardo Alminaza kay Governor Bong Lacson nga nagakwestyon sang resolution of no objection nga ginpasar sang Sangguniang Panlalawigan antes ang submission sang Environmental Impact Assessment sang proposed project.
Suno kay Alminaza, nagakadapat nga irecall anay ang RONO sang SP kag hulaton nga mapresentar ang Environmental Impact Assessment paagi sa public hearing.
Ginapamangkot man ang power rate nga bayaran sang mga konsumidor kun LNG ang power plant bangud nagasaka ang presyo sang LNG.
Suno kay Coscolluela, may yara sang escalation clause sa LNG power plant bangud may posibilidad nga magasaka ang power rate nga wala naman kun renewable energy ang ginagamit.
Naghatag sang unsolicited advice ang provincial energy consultant nga indi pagsakuon ang proyekto kundi hulaton ang Environmental Impact Assessment kag mangayo sang sabat sa mga pamangkot angot sa power rate.
