Gindayaw ni Department of Energy Undersecretary Felix William Fuentebella ang ginpatigayon nga Provincial Energy Summit and LGU Forum sang probinsya sang Negros Occidental kahapon.
Yara sanday Negros Occidental Governor Eugenio Jose ‘Bong’ Lacson, Vice Governor Jeffrey Ferrer, Roel Castro, chief executive officer sang Negros Electric and Power Corporation kag Frank Carbon, executive director sang Metro Bacolod Chamber of Commerce and Industry, DOE Visayas Field Office Director Renante Sevilla, Provincial Consultant on Energy and Environment Rafael Coscolleula, Bishop Gerardo Alminaza sang Diocese of San Carlos, Victorias City Mayor Javier Miguel Benitez kag representatives gikan sa nagkalain-lain nga power producers sa probinsya.
Suno kay DOE Undersecretary Felix William Fuentebella, maayo ang gindihon sang probinsya nga pagpreparar sa bwas damlag sang energy supply sa Negros Occidental.
Suno diri, paagi sa pagtipon sa mga leaders sa probinsya, maplanohan ang roadmap sang strategy agud nga masecure ang supply kag mapa-athag ang importansya kag husto nga paggamit sini.
