Ginahibalo pa sang Provincial Government kun paano nahimo nga nakapanag-iya sang madamo nga kiosko sa Panaad Festival ang isa lamang ka persona.
Sa interview sang Bombo Radyo kay Provincial Administrator Atty. Rayfrando Diaz, P10,000 ang arkila sa kada kiosko sa Panaad Festival sa sulod sang pito ka adlaw apang nadiskubrehan sini nga may napulo ka kiosko nga isa lamang ang nagapanag-iya.
Suno kay Diaz, ini ang rason kun ngaa madamo ang nagareklamo nga tuman kamahal ang mga baligya sa mga kiosko.
Suno sa iya, kun ginmonopoly ang mga kiosko, makapagusto ang negosyante pasaka sang presyo bangud wala ini sang kakompetensya bangud siya man ang nagapanag-iya sang iban.
Suno diri, ginraffle ang mga kiosko kag posible nga may connivance nga natabo ukon may nagbaligya sang iya nga pwesto kag ginpatungan pa ini.
Suno kay Diaz, dapat matapna ang ini nga buluhaton agud indi na masulit sa masunod nga tuig bangud tinutuyo sang gobyerno nga affordable ang presyo sang mga balaklon kada ginahiwat ang Panaad sa Negros.
