Nagpasalamat ang provincial government sang Negros Occidental nga wala sang dako nga halit sa probinsya sa pagwaswas sang bagyo Ursula.
Sa interview sang Bombo Radyo kay Provincial Administrator Atty. Rayfrando Diaz, nagpasalamat ini bangud wala sang kaswalidad kag property damage nga narekord sa probinsya apisar nga gindeklarar ang northern Negros nga ginpaidalom sa signal number 2.
Suno kay Diaz, ginahulat pa ang report sang Office of the Provincial Agriculturist (OPA) kun ano ang kalaparon sang damage sa mga talamnan kag iban pa nga mga department.
Ginahulat pa man suno sa iya ang report halin sa mga local government units kun may yara sang nahalitan bangud wala pa ang mga ini nakapasa.
Aminado man siya nga may mga bahin sang probinsya ilabi na sa northern Negros nga ginbaha apang nagapasalamat ini bangud indi tuman kataas ang tubig.
Ginpahayag man sang provincial administrator nga blessed ang probinsya sini nga tuig bangud luwas ini sa mga nag-alagi nga kalamidad.
