Nagapasalamat si Negros Occidental Governor Eugenio Jose “Bong” Lacson sa Energy Development Corporation sa pagdonar sang RNA extractor sa probinsya.
Madumduman nga gin-install kahapon sa Teresita Lopez Jalandoni Provincial Hospital sa ciudad sang Silay ang RNA extractor.
Kaupod sang gobernador sa pag-install ang EDC Community Partners, Jayvi Valenzuela kag Marie Christine Jamiana, Negros Occ. Provincial Administrator Atty. Rayfrando Diaz, kag Provincial Disaster Management Program Head Dr. Zeaphard Caelian.
Sa interview sang Bombo Radyo Bacolod kay Lacson, ginpahayag sini nga mismo ang ang EDC ang nagtanyag sang bulig.
Nagapasalamat ini sa EDC bangud nga ang brand gid mismo nga ginpili sang probinsya ang gindonar nila.
Liwat naman nga nagpahanumdom si Lacson sa publiko nga magsunod gihapon sa ginapatuman nga health protocols bangud yara pa gihapon ang COVID-19.
